ಉ.ಕ ಸುದ್ದಿಜಾಲ ಅಥಣಿ :
ಸಾಲಬಾದೆ ಕಿರುಕುಳಕ್ಕೆ ಮನನೊಂದು ರೈತ ಯುಕನೊಬ್ಬ ನೇಣಿಗೆ ಶರಣಾದ ಘಟನೆ ಬೆಳಗಾವಿ ಜಿಲ್ಲೆಯ ಅಥಣಿ ತಾಲೂಕಿನ ತಾಂವಶಿ ಗ್ರಾಮದಲ್ಲಿ ನಡೆದಿದೆ.
ತಾಂವಶಿ ಗ್ರಾಮದ ರೈತ ಯುವಕ ಕಾಂತೇಶ ಪಾಂಡು ಕುಂಬಾರ (35) ರೈತ ಯುವಕ ತಾಂವಶಿ ಗ್ರಾಮದ ಹೊರವಯದಲ್ಲಿ ಕುಂಬಾರ ತೋಟದ ಗಣೇಶ ಗುಡಿ ಹತ್ತಿರ ಬೇವಿನ ಮರಕ್ಕೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ.
ಮೃತ ಕಾಂತೇಶ ಸುಮಾರು ದಿನಗಳಿಂದ ಸಾಲಬಾದೆ ಯಿಂದ ಮಾನಸಿಕವಾಗಿ ನೊಂದಿದ್ದರು. ರಾಷ್ಟ್ರೀಕೃತ ಬ್ಯಾಂಕ, ಫೈನಾನ್ಸ್, ಸಹಕಾರಿ ಬ್ಯಾಂಕ, ಸಂಘ ಸಂಸ್ಥೆ ಬ್ಯಾಂಕುಗಳು ಸೇರಿದಂತೆ ಒಟ್ಟು 15,00,000 ರೂ. ಗಳು (ಹದಿನೈದು ಲಕ್ಷ) ಸಾಲದ ಬಗ್ಗೆ ಸಂಬಧಿಕರು ಮಾಹಿತಿ ನೀಡಿದ್ದಾರೆ.
ವಿವಾಹಿತ ಮೃತ ಕಾಂತೇಶ ಹೆಂಡತಿ ಮೂರು ಹೆಣ್ಣು ಮಕ್ಕಳಿದ್ದಾರೆ. ಗಂಡನನ್ನು ಕಳೆದುಕೊಂಡು ಮೃತ ಕಾಂತೇಶ ಪತ್ನಿ ಸಾಲ ಸಂಕಷ್ಟದಿಂದ ಪತಿ ಆತ್ಮಹತ್ಯೆ ಮಾಡಿಕೊಂಡಿದ್ದು ನನ್ನ ಮಕ್ಕಳ ಭವಿಷ್ಯಕ್ಕೆ ಸರ್ಕಾರದಿಂದ ನೆರವಿಗೆ ಅಂಗಲಾಚಿದ್ದಾರೆ.
ಈ ಸಂಬಂಧ ಅಥಣಿ ಪೊಲೀಸ್ ಠಾಣೆಯಲ್ಲಿ ಸಾಲಬಾದೆ ಆತ್ಮಹತ್ಯೆ ಪ್ರಕರಣ ಧಾಖಲಿಸಿಕೊಂಡಿದ್ದಾರೆ.
